Xulka koleyga Soomaaliya oo ku sii jeeda Tanzania

Wiilasha xulka kubadda koleyga Soomaaliya ayaa ka qeyb galaya tartanka Bariga iyo Bartamaha Africa kaasoo 21-ka January 2013, ka furmaya Tanzania, iyadoona wafuud kala gedisan oo ka tirsan xiriirka kubadda koleyga ay ku sii qul qulayaan Tanzania.

Xiriirka Soomaaliyeed ee kubadda koleyga ayaa sanadkaan diyaar garow ka gedisan sanadihii hore sameeyay si ay guulo ugu keenaan ciyaaraha Bariga iyo Bartamaha Africa, sida uu shaaciyay Macalinka Xulka Qaranka Kubada Koleyga Soomaaliya Cumar C/qaadir Baarajab.

Ciyaartoyda Xulka koleyga ee Soomaaliya ugu qeyb galaya ciyaaraha Bariga iyo Bartamaha Africa ayaa ka gedisan ciyaartoydii horey xulka u matali jirtay, waxaana la sheegay in kuwaani ka wada ciyaaraan dugsiyada (Collage) Waqooyi Mareykanka.

Xoghayaha Xiriirka Kubada Koleyga, Guddoomiye kuxigeenka Xiriirka iyo xubno kale ayaa ka qeybgali doona tartanka Tanzania ka furmi doona.

21-27 January ayeey ciyaarahaan ka socon doonaan Tanzania.

Magacyada Ciyaartoyda Qaranka Soomaaliya

1. Faisal Jama Aden.

2. Abdi Ahmed Faras.

3. Mohamed Abukar.

4. Munye Haydar.

5. Osman Abdirahman.

6. Osman Maslah Mohamed

7. Hussein Abdullahi Mahdi

8. Liban Abdi Hassan

9. Hussein Mohamed Addow

10. Yusuf Qaafow

11. Abdi Mohamed

12. Mohmed Ali